मास्क नलगाइ नहिँड्नुस्, ‘होल्डिङ जोन’ मा उभिनुपर्ला (भिडियो)

निशान्त सिंह गुरुङ्ग २०७८ वैशाख १३ गते १४:४६
२०७८ वैशाख १३ गते १४:४६

काठमाडौं । कोरोनाको दोस्रो लहर फैलिएसँगै ट्राफिक प्रहरीले सडकमा मास्क नलगाइ हिँड्ने यात्रुहरूलाई कडाइ गर्न थालेको छ । आज काठमाडौंका विभिन्न स्थानमा प्रहरीले यात्रुहरुलाई रोकेर उभ्याएको दृष्यहरु देखिए ।

काठमाडौंका सातदोवाटो, जाउलाखेल, किर्तिपुर लगायतका विभिन्न स्थानमा सडक छेउमै ‘होल्डिङ जोन’ भनेर खाली स्थान छुट्याएको थियो थियो । मास्क नलगाइ हिँडेका यात्रुहरुलाई रोकेर सोधपुछ गर्ने, अनि होल्डिङ जोनमा आधा घण्टासम्म उभ्याएको देखिन्थ्यो ।

पैदल हिँड्ने मात्र नभएर मोटरसाइकलमा यात्रा गर्नेहरुलाई पनि मास्क नलगाएको भेटिए प्रहरीले रोक्ने गरेको छ । यदि तपाईं पनि चर्को घाममा सडकमा उभिएर अरुका लागि रमिता बन्न चाहनुहुन्न भने मास्क लगाएर मात्रै निस्किनुहोला ।