निर्माण मजदुरको उपचारका लागि सहयोग हस्तान्तरण

धरान । काम गर्दागर्दै करेन्ट लागेर गम्भिर घाइते भएका धरान वडानम्बर २० बाघखोपका निर्माण मजदुर रामकुमार राईको उपचारका लागि हार्थिक सहयोग प्रदान गरिएको छ । बुधबार घाइतेका बुवा दानबहादुर राईलाई कोशी प्रदेशसभा सदस्य विजयकुमार राईले नगद २१ हजार रुपैयाँ हस्तान्तरण गरेका हुन् ।

धरान वडा नम्बर १५ मा जितबहादुर लिम्बूको घर निर्माणमा ठेकेदार मार्फत काम गरिरहेका राई गत मंसिर ५ गते काम गर्दागर्दै करेन्ट लागेर ढलेको थिए । तत्काल अचेत बनेका राईलाई सहकर्मीहरुले बीपी कोइराला स्वास्थ्य विज्ञान प्रतिष्ठान पु¥याइएको थियो । ४५ दिनसम्म उपचार गरेपनि होस नफर्किएपछि चिकित्सककै सल्लाहमा घर ल्याइएको बुवा दानबहादुर राईले बताए ।

चिकित्सकले विस्तारै होस फर्किन्छ भनेका छन् । राईले भने, ‘६ महिना हुँनै लाग्यो अहिलेसम्म होस आएको छैन तर, हामीले आशा मारेका छैनौं ।’ हालसम्मको उपचारका करिब १० लाख खर्च भइसकेको छ । घरधनीले ५० हजार सहयोग गर्नुभएकोछ, ठेकेदारले करिब ८ लाख जति खर्च गर्नुभएको पनि बिरामीका बुवाले बताए ।

घरको आर्थिक अवस्था कमजोर भएका रामकुमार राईको थप उपचार सहयोगका लागि कोशी प्रदेश सांसद विजयकुमार राईले चासो राखेपछि मजदुर नेता तथा जिफन्ट राष्ट्रिय कमिटी सदस्य नेपाल यातायात स्वतन्त्र मजदुर संगठनका केन्द्रीय अध्यक्ष भीमज्वाला राईको पहलकदमीमा २१ हजार रकम सहयोगीहरुबोट संकलन गरि पीडित परिवारलाई हस्तान्तरण गरिएको हो ।

घाइतेको उपचारका लागि ह्याप्पी नेपाल इम्प्लोयमेन्टका संचालक दिपक दुमीको तर्फबाट १० हजार, नेकपा एमाले सुनसरी जिल्ला सदस्य तिलक राईबाट २ हजार, युवा समाजसेवी पोष्टराज राईबाट २ हजार, अधिवक्ता मौसम राईबाट १ हजार, पत्रकार विकास चाम्लिङाट १ हजार, मजदुर नेताहरु भीमज्वाला राईबाट १ हजार, नेपाल यातायात स्वतन्त्र मजदुर संगठनबाट १ हजार, युवा व्यवसायी सन्तोष बस्नेतबाट १ हजार गरि २१ हजार प्रदान गरिएको हो ।

राईको थप उपचारका लागि सहयोग समिति निर्माण गरेर राहत सहयोग जुटाइने नेकपा (एमाले) धरन उपमहानगर अध्यक्ष हर्कजंङ्ग एभेङले बताए।
घाइते निवास बाघखोपमै पुगेका प्रतिनिधि मण्डलमा माननीय विजयकुमार राई, भीमज्वाला राई, वडाका पूर्व अध्यक्ष मणीराम राई, एमाले धरान अध्यक्ष हर्कजंङ्ग एभेङ, लक्ष्मी बानिँया, दुर्गाखतिवडा, स्थानीय कर्ण तामाङ, सन्तोष बस्नेत तथा सञ्चारकर्मीहरु रहेका थिए ।