नाटक लिएर विभिन्न सहर पुग्दै परदेशी-२ टिम

काठमाडौँ । यही असोज २६ गते देखि प्रदर्शनमा आउने तयारीमा रहेको चलचित्र ‘परदेशी २’ ले आफ्नो कथामा आधारित नाटक विभिन्न सहरमा देखाउने भएको छ ।

चलचित्रको प्रमोसनलाई तीव्र बनाउँदै परदेशी २ टिमले पश्चिमका सहरहरूमा नाटक देखाउन लागेको हो । निर्माणपक्षले असोज ४-५ नारायणगढ, ७-८ नेपालगन्ज , ९-१० बुटवल र ११-१२ पोखरामा नाटक प्रदर्शन गर्ने जनाएको छ ।

नारायण रायमाझी निर्देशित ‘परदेशी २’मा प्रकाश सपूत, केकी अधिकारी, वर्षा सिवाकोटी, दिलीप रायमाझी, प्रशान्त तामाङ, नीर शाह, रमा थपलिया, सुशील पोखरेल, सविन बास्तोला, भीमा मैनाली, देवेन्द्र बब्लु, रोशनी कार्कीलगायतको अभिनय छ ।

गायक सपूतले यही चलचित्रबाट अभिनेताको रूपमा डेब्यू गरेका हुन् । चलचित्रको निर्माता राजेश बंशल हुन् ।