भ्रष्टाचारका फाइल सत्ता रक्षाकवचका रूपमा मात्र खोलियो : लिङदेन (भिडिओ)
नेपाल प्रेस
२०८० भदौ २२ गते १४:०२
सुर्खेत । राप्रपाका अध्यक्ष राजेन्द्र लिङनले नेपालको राजनीतिमा गर्वका साथ शिर ठाडो पारेर आँखामा आँखा जुधाएर भ्रष्टाचारविरुद्ध उभिन सक्ने एक मात्र पार्टी राप्रपा भएको दाबी गरेका छन् ।
सुर्खेत विमानस्थलमा पत्रकारसँग कुरा गर्दै उनले नेपाली राजनीतिमा भ्रष्टाचार गर्नु आमाको रगत खानु सरह भएको दोहोर्याए ।
अहिले सरकारले भ्रष्टाचारविरुद्ध चालेको कदमप्रति राप्रपाको समर्थन रहेको लिङदेनले बताए ।
तर, भ्रष्टाचारविरुद्ध खोलिएका फाइल सत्ताको रक्षाकवचका लागि मात्र भएको उनको टिप्पणी छ ।
भ्रष्टाचारको जरासम्म पुग्यो भने सरकार टिकाउन राप्रपाको साथ रहने लिङदेनको भनाइ छ ।
सुर्खेत विमानस्थलमा पत्रकारसँग लिङदेनले भने, ‘आदेश दिने र निर्णयकर्तालाई संरक्षण गर्ने काम भएको छ । त्यसैले सरकारलाई अहिले स्यावासी दिनुपर्ने अवस्था छैन ।’
कर्णालीमा दशक देखि राजनीति गर्दै आएकाहरूले भोटका लागि मात्रै जनतालाई प्रयोग गर्दै आइरहेको उनको आरोप छ ।
नेपाल प्रेस
प्रकाशित: २०८० भदौ २२ गते १४:०२
प्रतिक्रिया
सम्बन्धित खवर
