फोनपे अभियानका विजेतालाई ‘आइफोन १३ मिनि’ हस्तान्तरण

काठमाडौं । नेपालको अनलाइन भुक्तानी प्रणाली फोनपेले ‘फोनपे गर्ने हो, बिजुली को बिल तिर्दा आइफोन १३ जित्ने हो’ नामक योजनका बिजेतालाई ‘आइफोन १३ मिनि’ हस्तान्तरण गरेको छ ।

गत बिहीबार नेपाल विद्धुत प्राधिकरणका प्रबन्ध निर्देशक कुलमान घिसिङ्ग योजनाका बिजेता अनुप सिकर्मी लाई ‘अमइफोन १३ मिनि’ हस्तान्तरण गरेका हुन् । घिसिङ्गले बिजेतालाई बधाई दिनुको साथसाथै फोनपेले नेपालमा विधुतिय भुक्तानी लाई प्रवर्धन गर्न चालिरहेको विभिन्न कदमहरुको पनि प्रसंशा गरे । ‘भुक्तानीका विभिन्न विधुतिय माध्यमहरुले नेपाललाई नयाँ युगमा प्रवेश गराएको छ । पछिल्ला दिनहरुमा यस्ता प्रविधिहरुले सबैको समय बचाउनुको साथसाथै अन्य धेरै सहुलियत प्रदान गर्दै आएको छ । म नेपाल विधुत प्राधिकरणका सम्पूर्ण ग्राहकहरु माझ बिजुलीको सुल्क तिर्दा विधुतिय भुक्तानीका माध्यमहरु प्रयोग गर्न आग्रह गर्दछु, घिसिङ्गले भने ।’

गत जेष्ठ महिना भरी लागू गरिएको योजनामा हजारौँको संख्यामा ग्राहकहरुले तोकिएको अवधि भर, बिजुली को बिल तिर्दा आफ्नो मोबाइल बैंकिङ एपमा गई फोनपे को बिल भुक्तानी सेवा प्रयोग गर्नुपर्ने सर्त लागू गरिएको थियो ।

फोनपेका प्रमुख कार्यकारी अधिकृत दिवस कुमारले पनि आफ्नो संस्थाको लक्ष्य भनेकै सम्पूर्ण नेपाली ग्राहकहरुलाई विधुतीय भुक्तानी प्रणालीमा प्रवेश गराई विभिन्न सुविधाहरु थप्दै जाने र पुराना भुक्तानी माध्यमका अफ्ठ्याराहरुलाई सजिलो बनाउदै लैजाने बताए । उनले भने, ‘भुक्तानी क्षेत्रमा फोनपे, आफ्नो नबीन सुविधाहरुको साथमा सधै अग्रसर रहेको देखिन्छ । नेपाललाई क्ययासलेसू बनाउने हेतुको साथ मा ३ वर्ष अगाडी स्थापना भएको फोनपे मा छोटो समयमै ग्राहकहरुको आकर्षण बढेको छ ।’