अफगानिस्तानका सात प्रान्तमा भीषण बाढी, ६ जनाको मृत्यु
नेपाल प्रेस
२०८० जेठ ३१ गते ६:५८
काबुल। अफगानिस्तानका सात प्रान्तमा वर्षा र बाढीका कारण जनधनको क्षति भएको छ ।
सो बाढीमा परेर अहिलेसम्म छ जनाको मृत्यु भएको छ भने दर्जनौँ घाइते भएका छन् ।
तालिबान नेतृत्वको प्राकृतिक प्रकोप व्यवस्थापन मन्त्रालयका प्रवक्ता शफिउल्लाह रहिमीले अफगानिस्तानका विभिन्न प्रान्तमा आएको बाढीका कारण ६ जनाको मृत्यु भएको तथा दर्जनौँ घाइते भएको बताए । बाढीका कारण ३० घर ध्वस्त भएका छन् भने सयौँ पशुपंक्षी मारिएका छन् ।
अफगानिस्तानका धेरै प्रान्त बाढी र आँधीबाट प्रभावित भएका छन् । जसमा कुनार, नुरिस्तान, बदख्सान, पक्तिया, तखर, घोर र परवान पर्छन्।
यसअघि सलाङ र बडाखस्तान, तखार, बाघलान, नुरिस्तान, कुनार, लघमान, काबुल, लोगर, मैदान वर्दक, परवान र कपिसा प्रान्तमा १० देखि २५ मिलिमिटर वर्षा भएको अफगानिस्तानको मौसम विभागले जनाएको छ ।
नेपाल प्रेस
प्रकाशित: २०८० जेठ ३१ गते ६:५८
प्रतिक्रिया
सम्बन्धित खवर
