पेरिसडाँडामा माओवादी पदाधिकारी बैठक : नयाँ मन्त्रीबारे पनि प्रारम्भिक छलफल हुने
नेपाल प्रेस
२०७९ पुष ११ गते ९:३१
काठमाडौं । नेकपा माओवादी केन्द्रको पदाधिकारी बैठक सुरू भएको छ ।
पेरिसडाँडास्थित पार्टी मुख्यालयमा जारी बैठकमा नयाँ सत्ता समीकरणसँगै विकसित राजनीतिक घटनाक्रम, आगामी सरकारमा पार्टीको भूमिका लगायतको विषयमा छलफल हुने माओवादीका एक नेताले बताए ।
त्यस्तै पार्टीबाट नयाँ क्याबिनेटमा सहभागी हुने सम्भावित मन्त्रीबारे पनि बैठकमा प्रारम्भिक छलफल गरिने बताइएको छ ।
एमाले नेतृत्वको नयाँ बनेको गठबन्धनमा माओवादी अध्यक्ष पुष्पकमल दाहाल ‘प्रचण्ड’ प्रधानमन्त्रीमा नियुक्त भएका छन् ।
उनलाई एमाले, माओवादी, राप्रपा, रास्वपा, जसपा, नागरिक उन्मुक्ति र जनमतसमेत ७ दल र स्वतन्त्र गरी १७० सांसदको समर्थन छ । प्रचण्डले आज अपरान्ह ४ बजे प्रधानमन्त्रीको शपथ लिँदैछन् ।
(तस्बिरहरू : उमेश कार्की)
नेपाल प्रेस
प्रकाशित: २०७९ पुष ११ गते ९:३१
प्रतिक्रिया
सम्बन्धित खवर
