काठमाडौं १० मा अञ्जना विशंखेको विद्रोह, गठबन्धनविरुद्ध तीनै सीटमा माओवादी उम्मेदवार
नेपाल प्रेस
२०७९ असोज २३ गते १९:१७
काठमाडौं । सत्ता गठबन्धनमा काठमाडौंका प्रतिनिधिसभाका ३ सीट पाएको नेकपा माओवादी केन्द्रले १० नम्बर क्षेत्रमा बेग्लै उम्मेदवारी दिएको छ ।
सीट बाँडफाँटमा असन्तुष्टि जनाउँदै काठमाडौं १० मा प्रतिनिधिसभा तर्फ निवर्तमान सांसद तथा पोलिटव्युरो सदस्य अञ्जना विशंखे गठबन्धनका साझा उम्मेदवार कांग्रेसका राजन केसीविरुद्ध उठेकी छन् ।
त्यसतै प्रदेशतर्फ एक नम्बरमा दिलीप महर्जन र २ नम्बरमा गणेश कुँवरले उम्मेदवारी दिएका छन् ।
पार्टीको राम्रो जनमत भएको क्षेत्रमा गठबन्धनले भाग नदिएपछि उनीहरू उम्मेदवार बनेका हुन् ।
उनले गठबन्धनले वार्ता गर्न चाहे नयाँ तरिकाले हुने बताइन् । प्रतिनिधिसभाको क्षेत्र आफूलाई छाड्नुपर्ने नभए स्वच्छ प्रतिस्पर्धा गर्न आफूहरु तयार रहेको उनले बताइन् ।
नेपाल प्रेस
प्रकाशित: २०७९ असोज २३ गते १९:१७
प्रतिक्रिया
सम्बन्धित खवर
