स्व. खुमबहादुर खड्काका छोरा अनुरागलाई कांग्रेसको टिकट

रुपन्देही । सत्तारुढ गठबन्धनले दाङमा उम्मेदवारहरुको टुंगो लगाएको छ ।भागबण्डाअनुसार प्रतिनिधि सभातर्फ दाङ क्षेत्र नं १ मा नेकपा एस, २ मा माओवादी र ३ मा नेपाली कांग्रेसलाई परेको छ । सोहस् अनुसार क्षेत्र नं १ मा एसबाट मेटमणी चौधरी, २ मा माओवादीबाट रेखा शर्मा र ३ मा कांग्रेसका दीपक गिरी उम्मेदवार बनेका छन् ।

प्रदेश सभातर्फ सत्ता गठबन्धनबाट क्षेत्र नं १ कमा माओवादीका इन्द्रजित थारु र ख मा नेपाली कांग्रेसका अनुराग खड्कालाई उम्मेदवार बनाइएको छ । इन्द्रजित लुम्बिनी प्रदेशको स्वास्थ्यमन्त्री छन् । अनुराग  कांग्रेस नेता स्व. खुमबहादुर खड्काका छोरा हुन् ।

त्यस्तै क्षेत्र नं २ क मा नेपाली कांग्रेसका राजु खनाल र २ ख मा कांग्रेसकै प्रचण्ड विक्रम न्यौपानेले टिकट पाएका छन् । राजु खनाल प्रतिनिधि सभाको पूर्व सदस्य हुन् । न्यौपाने भने पहिलो पटक प्रतिस्पर्धा गर्न लागेका हुन् ।

त्यस्तै क्षेत्र नं ३ क मा कांग्रेसका डिल्लीबहादुर चौधरी र ख मा नेकपा माओवादी केन्द्रका धनबहादुर मास्की उम्मेदवार छन् । चौधरीले पर्यटन मन्त्री छन् । माओवादीका राना नयाँ हुन् । उनी लडाकुको पूर्व डिभिजन कमाण्डर थिए । नेकपा एस तथा जनमोर्चाले प्रदेशमा दावी गरेपनि कुनै स्थान पाएनन् ।

नेकपा एमालेले क्षेत्र नं १ को संघीय उमेदवार शान्ता चौधरी, १ क बाट गंगाराम भट्टराई र ख बाट कुलबहादुर केसीलाई एमालेले उमेदवार बनाएको छ ।

यसैगरी क्षेत्र नं २ मा महासचिव शंकर पोखरेल, प्रदेशतर्फ २ क मा बलिभद्र राना र २ ख मा गिरिराज केसीलाई उमेदवार बनाएको छ । क्षेत्र नम्वर ३ मा कोमल वलीलाई संघ र ३ क मा घनश्याम पाण्डेय र ख मा जिल्ला अध्यक्ष हुकुमबहादुर बस्नेतलाई उमेदवार बनाएको छ ।