एमाले महासचिवको प्रष्टीकरण: हामी सरकार ढाल्ने, बनाउने खेलमा छैनौं

रूपन्देही । नेकपा एमालेका महासचिव शंकर पोखरेलले एमाले अहिले सरकार परिवर्तनको खेलमा नरहेको जनाएका छन्। सरकार परिवर्तनको चर्चा चलिरहेका बेला महासचिव पोखरेलले भनेका छन्– यतिबेला नेकपा एमाले सरकार परिवर्तनको खेलमा छैन। विकास र समृद्धिका लागि बलियो शक्ति निर्माणको तयारीमा जुट्दैछ।

नेकपा एकीकृत समाजवादी पार्टीका अध्यक्ष माधवकुमार नेपाल र माओवादी केन्द्रका अध्यक्ष पुष्पकमल दाहाल प्रचण्डले आफूहरुलाई प्रधानमन्त्री बन्न अफर आएको सार्वजनिकरुपमै बताउन थालेपछि एमालेका शीर्ष नेताहरूले त्यसको खण्डन गरेका छन् ।

माओवादी अध्यक्ष पुष्पकमल दाहाल प्रचण्डले नेपाली कांग्रेसले ठूलो पार्टी बनेर दम्भ देखाए एमाले अध्यक्ष ओलीलाई हटाएजस्तो सत्ताबाट हटाउने धम्की दिइरहेका छन्।

कांग्रेसले भने आगामी निर्वाचनका लागि सिटका लागि प्रचण्डले बार्गेनिङ गरेको र आफूहरु हार्ने तर जनताविरुद्ध नजाने बताउँदै आएको छ।

यसअघि एमाले उपाध्यक्ष विष्णु पौडेलले तत्काल वाममगठबन्धनको संभावना नरहेको र प्रचण्ड–नेपाललाई कुनै प्रस्ताव नगरेको बताएका थिए ।