वसन्त पञ्चमीः सरस्वती पूजासँगै बालबालिकालाई अक्षरारम्भ गराइँदै (भिडिओ)

काठमाडाैं । वसन्त पञ्चमी अर्थात सरस्वती पूजा आज मनाइँदैछ । विद्यालय नपठाइएका साना बालबालिकालाई अक्षर चिनाउनेदेखि विद्यालय भर्ना गर्न आजको दिन शुभ रहने विश्वास गरिन्छ ।

हिन्दु मान्यताअनुसार आज देवी सरस्वतीको जन्मदिन हो । आजको दिन लेखपढ गर्न सिकाए राम्रो विद्या पाउने धार्मिक विश्वास छ । सूर्य उत्तरतर्फ लागेर दिन लामो हुने र वसन्त ऋतु प्रारम्भ हुने भएकाले आजको दिनलाई वसन्त पञ्चमी पनि भन्ने गरिएको हो । आजको दिन विवाह, व्रतमन्धलगायतको धार्मिक कामका लागि साइत हेर्नु नपर्ने मान्यता छ ।

देशभरका सरस्वती मन्दिरहरुमा आज पूजा हुने गरेको छ । कोरोना महामारीको जोखिमका कारण स्वास्थ्य सुरक्षा मापदण्डलाई पालना गरी पूजा गर्न स्थानीय प्रशासनले आग्रह हरेका छन् ।

राजधानीको स्वयम्भूस्थित सरस्वती मन्दीरमा आज विहानैदेखि पूजाआजा र वालवालिकालाई अक्षरारम्भ गराउनेको भीड लागेको छ । साना साना बच्चाहरुलाई चकले भित्तामा लेखाइरहेका छन् ।