मोदी र ह्यारिसबीच भेटवार्ता, आज क्वाड बैठकमा भाग लिने

न्यूयोर्क । भारतीय प्रधानमन्त्री नरेन्द्र मोदी र अमेरिकी उपराष्ट्रपति कमला ह्यारिसबीच आज भेटवार्ता भएको छ । मोदीले ह्यारिसलाई उपराष्ट्रपति पदमा पुगेकोमा बधाइ दिए भने भारत भ्रमणको निम्तो पनि ।

राष्ट्रसंघीय महासभालाई सम्बोधन गर्न अमेरिका पुगेका मोदीले आज राष्ट्रपति जो बाइडेन, अष्ट्रेलियाली प्रधानमन्त्री स्कट मरिसन र जापानी प्रधानमन्त्री यासिहिदे सुगालाई भेट्ने कार्यक्रम छ ।

मोदीले आजै क्वाड्रिलेट्रल गठबन्धन क्वाडको सम्मेलनमा भाग लिने कार्यक्रम छ । तालिबानले अफगानिस्तानको सत्ता आफ्नो नियन्त्रणमा लिएको केही सातापछि क्वाड बैठक बस्न लागेको हो ।

आज हुने क्वाड बैठकमा अफगानिस्तान मुद्दाले प्राथमिकता पाउने जनाइएको छ । यसैबीच, अमेरिका, बेलायत र अष्ट्रेलियाबीच भएको ओकुस गठबन्धनमा भारत र जापानलाई नराखिने भएको छ ।