जनमत पार्टीको केन्द्रीय सचिवालय कार्यालय जनकपुरमा
नेपाल प्रेस
२०७८ भदौ १५ गते १५:२०
फाइल तस्बिर।
जनकपुरधाम । जनमत पार्टीले जनकपुरधामको भानु चोकमा केन्द्रीय सचिवालयको कार्यालय सञ्चालनमा ल्याएको छ ।
राम मनोहर यादवले ‘शहादत प्राप्त गरेको’ दिन सम्झिँदै केन्द्रीय अध्यक्ष डा. सीके राउतले पार्टीको झण्डा फहराएर सचिवालयको उद्घाटन गरेका हुन् । उनले सचिवालय परिसरमा वृक्षरोपणसमेत गरेका छन् ।
बाँकेमा मधेसी नेता उपेन्द्र यादवलाई कालो झण्डा देखाउने क्रममा यादव पक्राउ परेका थिए । भदौ ७ गते पक्राउ परेका यादवको प्रहरी हिरासतमै एक सातापछि मृत्यु भएको थियो ।
जनमत पार्टीले यादवलाई शहिद भन्दै आएपनि सरकारले घोषणा गरेको छैन । अध्यक्ष डा. राउतले यादव लगायतका ज्ञात–अज्ञात सबै शहिदको सपना साकार पार्न संघर्ष जारी रहेको बताए ।
अगामी निर्वाचनलाई लक्षित गरेर जनमत पार्टीले संगठन विस्तारसहितका गतिविधि अघि बढाएको छ ।
नेपाल प्रेस
प्रकाशित: २०७८ भदौ १५ गते १५:२०
प्रतिक्रिया
सम्बन्धित खवर
