गोली हानेर छिमेकीको हत्या

ताप्लेजुङ । भरुवा बन्दुक प्रहार गरी छिमेकीको हत्या गरेको अभियोगमा मेरिङदेन गाउँपालिका-२ जिदिमाका एक युवा पक्राउ परेका छन् ।

छिमेकी खडकबहादुर लिम्बुको हत्या अभियोगमा २८ वर्षीय प्रताप लिम्बुलाई बिहीबार साँझ प्रहरीले पक्राउ गरेको हो ।

प्रतापले भरुवा बन्दुक प्रहार गर्दा खडकबहादुरको घटनास्थलमै मृत्यु भएको प्रहरीले जनाएको छ । प्रहरीले प्रतापलाई भरुवा बन्दुक सहित फेला पारी पक्राउ गरेको हो ।

यस सम्बन्धमा प्रहरीले थप अनुसन्धान गरिरहेको छ । भरुवा बन्दुक प्रहार गर्नुको कारण भने खुलिनसकेको ताप्लेजुङ प्रहरीले जनाएको छ ।

प्रतिक्रिया

Leave a Reply

Your email address will not be published. Required fields are marked *