संवैधानिक इजलास : जवाफी बहस सकियो, भोलिदेखि एमिकस क्यूरीले सुझाव दिने
नेपाल प्रेस
२०७७ फागुन ३ गते १६:०२
काठमाडौं । प्रतिनिधिसभा विघटनविरुद्ध दायर मुद्दाको संवैधानिक इजलासमा भइरहेको सुनुवाइमा आजदेखि जवाफी बहस सकिएको छ ।
रिटको पक्ष र विपक्षका वकिलहरूले बहस सकेपछि आइतबारदेखि रिट निवेदकका तर्फबाट जवाफी बहस शुरू भएको थियो ।
भोलि (मंगलबार) देखि एमिकस क्यूरीले सुझाव दिने अदालतले जनाएको छ ।
एमिकस क्यूरीको सुझावपश्चात फैसलाको प्रक्रिया शुरू हुनेछ ।
प्रधानमन्त्री ओलीको सिफारिसमा राष्ट्रपति विद्यादेवी भण्डारीले पुस ५ गते प्रतिनिधि सभा विघटन गरेपछि विघटनविरुद्ध सर्वोच्चमा १३ वटा रिट दर्ता भएका थिए ।
सबै रिटमाथि माघ ४ देखि बहस शुरू भएको थियो ।
नेपाल प्रेस
प्रकाशित: २०७७ फागुन ३ गते १६:०२
प्रतिक्रिया
सम्बन्धित खवर
