वैशाखमा चुनाव भयो भने अर्को असंवैधानिक र अलोकतान्त्रिक कदम हुनेछ-प्रचण्ड – Nepal Press

वैशाखमा चुनाव भयो भने अर्को असंवैधानिक र अलोकतान्त्रिक कदम हुनेछ-प्रचण्ड

काठमाडौं । विभाजित नेकपा प्रचण्ड-माधव पक्षका अध्यक्ष पुष्पकमल दाहाल (प्रचण्ड) ले वैशाख १७ र २७ गते सरकारले तोकेको निर्वाचन नहुनेमा आफू विश्वस्त रहेको बताएका छन् । अदालतबाट प्रतिनिधिसभा पुनःस्थापना हुने विश्वास आफूहरूलाई रहेको उनको भनाइ छ ।

नेपालमा कार्यरत विदेशी मिडियाका प्रतिनिधिहरूसँग कुराकानी गर्दै प्रचण्डले भने, ‘हामी विश्वस्त छौं कि चुनाव हुँदैन, प्रतिनिधिसभा पुनःस्थापना हुन्छ । यदि केपी ओलीले घोषणा गरेको चुनाव हुने भयो भने त्यो अर्को असंवैधानिक र अलोकतान्त्रिक कदम हुनेछ ।’

प्रचण्डले ओली र आफूहरूबीचको विवादलाई कुर्सीको लडाइँका रूपमा नबुभिदिनसमेत अन्तर्राष्ट्रिय समुदायलाई आग्रह गरेका छन् । माधव नेपाल र आफूबीच ४० वर्षदेखि सहकार्य रहेकाले ओलीसँग जस्तो विभाजन नआउने विश्वास समेत उनले व्यक्त गरे । उनले केपी ओली र आफूहरुलाई एकै रूपमा तुलना नगर्नसमेत आग्रह गरेका छन् ।

प्रतिक्रिया

Leave a Reply

Your email address will not be published.

सम्बन्धित खवर