पूर्वराजाले भने– राजगद्दी त्याग्नेसम्मको उच्च साहस र इमान्दारी देखायौं – Nepal Press

पूर्वराजाले भने– राजगद्दी त्याग्नेसम्मको उच्च साहस र इमान्दारी देखायौं

काठमाडौं । पूर्वराजा ज्ञानेन्द्र शाहले परिवर्तनका नाममा नेपालको आफ्नो इतिहास, धर्म, संस्कृति र एकता भत्काउँदै पराइको इच्छा पूरा गर्ने अवाञ्छित क्रियाकलाप भित्रिएको टिपप्णी गरेका छन् ।

बडामहाराजाधिराज पृथ्वीनारायण शाहको २९९ औं जन्मदिको पूर्वसन्ध्यामा आइतबार विज्ञप्ति जारी गरि पूर्वराजाले राजनीति भन्नु नै देशको सेवा गर्ने उच्चतम साधन भएको बताएक छन् ।

तर अहिले नेपालले व्यहोरेको राजनीतिक कति इमान्दार र राष्ट्र केन्द्रित छ भन्ने प्रश्न समेत गर्दै उनले यसको समिक्षा गर्न ढिला भइसकेको बताएका छन् ।

राष्ट्रिय एकता दिवसको अवसरमा पूर्व राजाले जनचाहना अनुसार अघि बढ्नुनै शाहवंशीय राज परम्परा रहेको स्मरण समेत गराएका छन् । उनले देश जोगाउन अझ बलियो एकता माग गरेका छन् ।

पूर्वराजाले भनेका छन्– राष्ट्रिय अखण्डताका निम्ति हामीले एकताको गाँठो बलियो पार्नु पर्दछ । यसको औचित्य हिजो थियो,आज छ र भविष्यमा पनि रहनेछ । यसैमा पृथ्वी जयन्तीको सार्थकता रहन्छ भन्ने हाम्रो मान्यता हो ।

पूर्वराजाले जनताको चाहना अनुसार नेपालको राजतन्त्रले संवैधानिक मर्यादाअनुसार व्यवहार गरेको र राजगद्दी त्याग्ने सम्मको उच्च साहस र इमानदारी दर्शाएको समेत बताएका छन् ।

पूर्वराजाको विज्ञप्तिमा भनिएको छ– हाम्रा निम्ति देश र रजनताको हित नै सर्वोपरि रहदै आएको छ । हाम्रो बिचारमा राजनीति भन्नु नै देशको उच्चतम साधन हो । तर हामीले व्यहोरेको राजनीति कति इमान्दार र राष्ट्रकेन्द्रित छ ?, कति अनुकुल छ ? त्यसको समीक्षा हुन अब विलम्ब भइसकेछ ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर