मंगलबार २६ सय कोभिड बिरामी थपिए, थप २० जनाको मृत्यु

काठमाडौं । पछिल्लो २४ घण्टामा मुलुकमा २६३६ जना कोभिड बिरामी थपिएका छन् । स्वास्थ्य मन्त्रालयका अनुसार ११ हजार ७४८ (७२५९ पीसआर) एन्टीजेनसहित परीक्षण गर्दा ती संक्रमित थपिएका हुन् ।

मंगलबार थप २० जनाले कोभिडको कारण ज्यान गुमाएका छन् । मृत्युदर १.४२ प्रतिशत छ । कूल मृत्यु संख्या ९०७१ पुगेको छ ।

४३४८ जना संक्रमणमुक्त भएका छन् । अहिलेसम्म ५ लाख ९२ हजार जना निको भएका छन् । निको हुने दर ९३.०३ प्रतिशत छ ।

मंगलबारसम्म ३५ हजार ३१० सक्रिय संक्रमित छन् ।

कूल संक्रमित संख्या ६ लाख ३६ हजार ९१६ पीसीआर र ३३ हजार ९४१ जना एन्टीजेनबाट संक्रमित पुष्टि भएका छन् ।

भारतको अवस्था कस्तो छ ?

गत २४ घण्टामा भारतमा ३७ हजार ५६६ थप व्यक्तिमा कोरोना सङ्क्रमण भएपछि कोरोना सङ्क्रमितको कूल सङ्ख्या तीन करोड ३ लाख १६ हजार ८९७ पुगेको केन्द्रीय स्वास्थ्य मन्त्रालयले मङ्गलबार जनाएको छ ।

भारतमा गत २४ घण्टामा भएको कोरोना सङ्क्रमित यो संख्या विगत १०२ दिनयता कै सवभन्दा कम हो । चालीस हजार भन्दा कम व्यक्ति कोरोना सङ्क्रमण भएको १०२ पछि यो पहिलो पटक हो । भारतमा हिजो कोरोना सङ्क्रमणबाट ९०७ व्यक्तिको मृत्यु भएको छ । करिब ७० दिनपछि भारतमा गत दई दिनयतादेखि एक हजार भन्दा कम व्यक्तिले कोरोनाबाट ज्यान गुमाएका छन् । गत अप्रिल १४ मा भारतका कोरोना सङ्क्रमणबाट एक हजार भन्दा बढीको मृत्यु भएको थियो । कोरोना प्रकोपबाट ज्यान गुमाउनेको संख्या तीन लाख ९७ हजार ६३७ पुगेको छ ।

हाल भारतमा पाँच लाख ५२ हजार ६५९ जना सक्रिय सङ्क्रमित रहेका छन् । भारतमा कोरोना शुरु भएदेखि हालसम्म दुई करोड ९३ लाख ६६ हजार ६०१ व्यक्ति कोरोना मुक्त भएका छन् । यहाँ कोरोना भाइरस मुक्ति दर ९६.८७ प्रतिशत रहेको छ ।

यहाँ गत जनवरी १६ बाट कोरोना भाइरस विरुद्धको खोप अभियान शुरु भएको थियो । सो समयदेखि हालसम्म ३२ करोड ९० लाख २९ हजार ५१० डोप कोरोना विरुद्धको खोप लागाइएको छ ।