काठमाडौं उपत्यका प्रवेश गर्नेले अनिवार्यरुपमा क्वारेन्टिन र होम आइसोलेसनमा बस्नुपर्ने
नेपाल प्रेस
२०७८ वैशाख १३ गते १८:५५
काठमाडौं । काठमाडौं उपत्यका प्रवेश गर्ने व्यक्तिहरुले अनिवार्यरुपमा स्थानीय तहले तोकेको क्वारेन्टिन र होम आइसोलेसनमा बस्नुपर्ने भएको छ । निषेधाज्ञा (लकडाउन) अवधीभर काठमाडौं आउने व्यक्तिले उक्त नियम पालना गर्नुपर्ने भएको छ ।
जिल्ला प्रशासन कार्यालय काठमाडौं, भक्तपुर र ललितपुरले कोरोनाभाइरसको जोखिम न्यूनीकरण गर्न उपत्यकाबाहिरबाट आउने व्यक्तिको हकमा यस्तो नियम लागु गरेका हुन् ।
उपत्यका कोरोनाभाइरसको हटस्पट बनेपछि तीनै जिल्लाका प्रशासनले यस्तो निर्णय गरेका हुन् । काठमाडौंमा सोमबार एकैदिनमा १५ सयभन्दा बढी संक्रमित भेटिएका छन् ।
नेपाल प्रेस
प्रकाशित: २०७८ वैशाख १३ गते १८:५५
प्रतिक्रिया
सम्बन्धित खवर
