सरकारलाई पूर्णता दिँदै प्रधानमन्त्री, कुन दलबाट को को बन्दैछन् मन्त्री ?

काठमाडौं । प्रधानमन्त्री पुष्पकमल दाहाल प्रचण्डले आज सरकारलाई पूर्णता दिँदैछन् । सत्ता गठबन्धनमा सहभागी ९ दललाई समेटेर सरकरालाई पूर्णता दिन लागेका हुन् ।

नयाँ मन्त्रीहरुको शपथ आज दिउँसो ३ बजे हुने प्रधानमन्त्री प्रचण्डले बताएका छन् । उनले राष्ट्रिय कर्मचारी संगठन निजामतीको महाधिवेशनलाई सम्बोधन गर्दै ३ बजे मन्त्रीहरुको शपथ रहेको बताए ।

कांग्रेस ८, माओवादीलाई प्रधानमन्त्रीसहित ६, नेकपा एस २, जसपालाई २, जनमतलाई १, लोसपा १, उन्मुक्ति १, आम जनता पार्टी १ र नेसपालाई १ मन्त्रालय दिइएको छ। तर, कांग्रेसबाट आज ४ र जसपाबाट १ जनामात्रै मन्त्री हुँदैछन् । पार्टीभित्र विवाद हुँदा पार्टीले पाएको सबै मन्त्रालयमा मन्त्री पठाउन नसकिएको हो ।

कुन दलबाट को बन्दैछन् मन्त्री ?

नेपाली कांग्रेस

पूर्णबहादुर खड्का – उपप्रधान तथा रक्षामन्त्री
प्रकाशशरण महत – अर्थमन्त्री
रमेश रिजाल – उद्योग, वाणिज्य तथा आपूर्ति मन्त्रालय
सीता गुरुङ – शहरी विकास मन्त्रालय

नेकपा माओवादी केन्द्र

नारायणकाजी श्रेष्ठ – उपप्रधान तथा गृहमन्त्री
शक्ति बस्नेत – ऊर्जा, जलस्रोत तथा सिंचाइ मन्त्रालय
रेखा शर्मा – सञ्चार तथा सूचना प्रविधि मन्त्रालय
सुदन किराँती – संस्कृति, पर्यटन तथा नागरिक उड्डयन मन्त्रालय
अमनलाल मोदी – संघीय मामिला तथा सामान्य प्रशासन

नेकपा एकीकृत समाजवादी

वेदुराम भुसाल – कृषि तथा पशुपंक्षी विकास मन्त्रालय
प्रकाश ज्वाला – भौतिक पूर्वाधार तथा यातायात मन्त्रालय

जसपा

अशोक राई – शिक्षा, विज्ञान तथा प्रविधि मन्त्रालय

लोसपा

शरदसिंह भण्डारी – श्रम, रोजगार तथा सामाजिक सुरक्षा मन्त्रालय

नाउपा

रञ्जिता श्रेष्ठ – भूमि व्यवस्था, सहकारी तथा गरिबी निवारण मन्त्रालय

नेसपा

महिन्द्र राय यादव – महिला, बालबालिका तथा ज्येष्ठ नागरिक मन्त्रालय

जनमत

अब्दुल खान – खानेपानी तथा सरसफाइ मन्त्रालय

प्रधानमन्त्रीसँगै रहेका मन्त्रालयहरु

कानून, न्याय तथा संसदीय मामिला मन्त्रालय
परराष्ट्र मन्त्रालय
वन तथा वातावरण मन्त्रालय
स्वास्थ्य तथा जनसंख्या मन्त्रालय
युवा तथा खेलकुद मन्त्रालय