तुलसीपुर उपमहानगरकाे मेयर र उपमेयरमा एमाले अगाडि
नेपाल प्रेस
२०७९ जेठ ६ गते १५:१५
दाङ । तुलसीपुर उपमहानगरपालिकामा गठबन्धनलाई पछाडि पार्दै एमाले अगाडि बढेको छ ।
१, २, ३, ४, ५, ६ र ७ नम्बर वडाको करिब २० हजार मत गणना हुँदा एमालेका टीकाराम खड्काले ८ हजार ७७२ मत ल्याएका छन् । उनका प्रतिस्पर्धी गठबन्धनका गेहेन्द्र गिरीले ८ हजार ७१५ मत ल्याएका छन् । नेपाली कांग्रेसका गिरीभन्दा एमालेका खड्का ५७ मतले अगाडि छन् ।
यस्तै उपमेयरमा एमालेकी स्यानी चौधरी गठबन्धनका उम्मेदवारभन्दा फराकिलो मतले अगाडि छन् । चौधरीले ८ हजार १६० मत ल्याएकी छन् । उनका प्रतिस्पर्धी नेकपा एसका जोगबहादुर रानाले ६ हजार ७३३ मत ल्याएका छन् । चौधरी रानाभन्दा एक हजार ४२७ मतले अगाडि छन् ।
अहिलेसम्म कांग्रेसको गढ मानिने वडामा मतगणना भइरहेको छ ।
नेपाल प्रेस
प्रकाशित: २०७९ जेठ ६ गते १५:१५
प्रतिक्रिया
सम्बन्धित खवर
