प्रचण्डले बोलाए माओवादी संसदीय दलको बैठक
नेपाल प्रेस
२०८० फागुन २६ गते ११:२५
काठमाडौं । नेकपा माओवादी केन्द्रले संसदीय दलको बैठक बोलाएको छ । सिंहदरबारस्थित संसदीय दलको कार्यालयमा दिउँसो ३ बजे बस्नेगरी बैठक बोलाइएको प्रमुख सचेतक हितराज पाण्डेले बताए ।
बैठकमा पछिल्ला समसामयिक राजनीतिक घटनाक्रम र संसदलाई थप प्रभावकारी बनाउने विषयमा केन्द्रित हुने उनले बताए ।
माओवादीका अध्यक्षसमेत रहेका प्रधानमन्त्री प्रचण्डले कांग्रेस नेतृत्वको गठबन्धन छाडेर एमालेसहितको नयाँ समीकरण बनाएका छन् ।
कांग्रेसले दिएको समर्थन फिर्ता लिएपछि प्रधानमन्त्री प्रचण्डले चैत २३ गतेभित्र विश्वासको मत लिनुपर्ने संवैधानिक व्यवस्था छ । बैठकमा प्रधानमन्त्रीले विश्वासको मत लिनेबारे पनि छलफल हुने बताइन्छ ।
अहिले प्रधानमन्त्री प्रचण्डलाई एमाले, रास्वपा, जसपा र नेकपा एसको समर्थन छ ।
नेपाल प्रेस
प्रकाशित: २०८० फागुन २६ गते ११:२५
प्रतिक्रिया
सम्बन्धित खवर
