तस्बिरमा हेर्नुहोस् न्यूरोडको पार्किङ निषेधित क्षेत्र
२०८० माघ ९ गते ९:३५
काठमाडौं । काठमाडौंको न्यूरोड क्षेत्रमा आजबाट सवारी साधन पार्किङ निषेध गरिएको छ ।
न्यूरोड क्षेत्रको धर्मपथ, जुद्ध सालिकदेखि इन्द्रचोकतर्फको सडक खण्ड, खिचापोखरी, महाबौद्ध, वीरअस्पताल वरपरको कालोपत्रे सडकमा पार्किङ निषेध गरिएको महानगरले जनाएको छ ।
महानगरले काठमाडौं टावरमा निःशुल्क पार्किङ सुविधा उपलब्ध गराउने जनाएको छ ।
महानगर प्रहरी बलका प्रमुख नगर प्रहरी वरिष्ठ उपरीक्षक राजुनाथ पाण्डेले विकल्पमा काठमाडौं टावरमा तीन सयवटा चारपांग्रे र सात सयवटा दुईपांग्रे सवारी साधन पार्किङ गर्न सकिने जानकारी दिए ।
पार्किङ निषेध गरिएपछि सेवाग्राही भने आक्रोशित बनेका छन् । राज्यका निकायबाट भएको सुविधापनि खोसिएको भन्दै त्यहाँ पुगेका सेवाग्राहीहरुको गुनासो थियो ।
प्रकाशित: २०८० माघ ९ गते ९:३५
प्रतिक्रिया
सम्बन्धित खवर
