बहालवाला सचिवको स्टाटस- देशको विकास गर्ने हो भने सचिवहरूलाई ‘घण्टे करार’ मा राखौं

काठमाडौं । एक बहालवाला सचिवले नेपाल सरकारका सचिवहरूलाई करारमा राख्नुपर्ने प्रस्ताव गरेका छन् ।

सार्वजनिक खरिद अनुगमन कार्यालयका सचिव मधुसूदन बुर्लाकोटीले देशको विकास गर्ने हो भने सचिवहरूलाई ‘घण्टे करा’ मा राख्न प्रस्ताव गरेका हुन् । सार्वजनिक खरिद अनुगमन कार्यालय प्रधानमन्त्री तथा मन्त्रिपरिषद्‌को कार्यालय मातहतको हो ।

मङ्गलवार बिहान फेसबुकमा स्टाटस लेख्दै उनले सचिवको विद्वतापन देखेर वाक्क लागेको उल्लेख गरेका छन् ।

कर्मचारीतन्त्र भ्रष्टाचारमा लिप्त भएको, जनतामुखी नभई नेताको स्वार्थमा काम गर्ने गरेको टिप्पणी तथा घटनाक्रमबाट देखिँरहँदा सचिव बुर्लाकोटीले उक्त धारणा सार्वजनिक रूपमा राखेका हुन् ।

उनले केही दिनअघि पनि निजामती सेवाको उच्च पदाधिकारीलाई ‘काम घुमाउने अन्तर्राष्ट्रिय सेवा पदक’ बाट विभूषित गर्नुपर्ने भन्दै असन्तुष्टि पोखेका थिए ।