माइतबाट लगिएको भोलिपल्टै गहुँबारीमा किशोरीको शव, श्रीमान् फरार
नेपाल प्रेस
२०७८ माघ २६ गते १६:३४
काठमाडौं । रौतहटको इशनाथ नगरपालिकामा गहुँबारीमा एक किशोरीको शव भेटिएको छ ।
१९ वर्षीया चाँदनी खातुनको शव ईशनाथ-४ मठियास्थित गहुँबारीमा आज बिहान भेटिएको हो । सलले घाँटी कसेर मुखमा बुझो हालेको अवस्थामा उनको शव भेटिएको प्रहरीले जनाएको छ ।
चाँदनीलाई मंगलबार मात्र उनका श्रीमान्ले माइतबाट लगेका थिए । मुस्लिम परम्पराअनुसार सानै उमेरमा विवाह भएर चाँदनी इशनाथ-९ मा रहेको माइतीघरमा बस्दै आएकी थिइन् ।
उनका श्रीमान्ले चाँदनीलाई आफैंले बोलाएर मंगलबार पहिलोपटक आफ्नो घर लगेको प्रहरीले जनाएको छ । काठमाडौंमा बस्दै आएका चाँदनीका श्रीमान् फरार छन् ।
नेपाल प्रेस
प्रकाशित: २०७८ माघ २६ गते १६:३४
प्रतिक्रिया
सम्बन्धित खवर
