दैनिक कफी पिउँदा हृदयघात हुने सम्भावना १२ प्रतिशतले घट्ने – Nepal Press

दैनिक कफी पिउँदा हृदयघात हुने सम्भावना १२ प्रतिशतले घट्ने

दैनिक एक कप कफी पिउँदा हृदयघात हुने सम्भावना १२ प्रतिशतले घट्ने एक अध्ययनले देखाएको छ । २१ हजार मान्छेबीच गरिएको अध्ययनमा यो तथ्य पत्ता लगाएको जनाइएको छ ।

कफीले शरिरमा रहेका एन्टिअक्सिडेन्स तत्वलाई घटाएर हृदयघातको जोखिम कम गर्छ । अमेरिकाको हार्ट एसोसिएसन जर्नलमा प्रकाशित एक रिपोर्टका अनुसार धेरैले कफी र क्याफिनलाई रक्तचाप बढाउने तत्वको रुपमा लिने गर्छन् ।

तर, नयाँ अनुसन्धानले हार्ट फेल हुने जोखिम घट्ने दाबी गरेको हो । यो जोखिमलाई घटाउन मान्छे धुमपानबाट टाढा हुनुपनि जरुरी छ । २१ हजार मान्छेमाथि गरिएको अध्ययनले यस्तो पुष्टि गरेको हो । अध्ययनमा सामेललाई दैनिक कफी र क्याफिनको मात्रा सेवन गराएर यस्तो निष्कर्ष निकालिएको हो ।

अमेरिकी कलेज अफ कार्डियोलजीका अनुसार दैनिक ३ कप कफी पिउँदा हृदयघात हुने सम्भावना १३ प्रतिशतले घट्छ । चिनियाँ मेडिकल युनिभर्सिटीका अनुसार दैनिक कफी सेवनले प्रोस्टेट क्यान्सरको खतरालाई १० प्रतिशतले घटाउँछ ।

प्रतिक्रिया

Leave a Reply

Your email address will not be published.