दयाहाङ र आँचलको मुख्य भूमिका रहेको चलचित्र ‘डिग्री माइला’ आजदेखि प्रदर्शनमा
नेपाल प्रेस
२०८० चैत ३० गते ८:००
काठमाडौं । वर्षकै प्रतीक्षित सिनेमा ‘डिग्री माइला’ आजदेखि प्रदर्शनमा आएको छ । निर्देशक रामबाबु गुरुङको निर्देशनमा रहेको सो चलचित्रमा दयाहाङ राई र आँचल शर्माको पढाइलाई प्रस्तुत गरिएको छ।
चलचित्रलाई देशभरका हलहरूले उच्च शो दिएका छन् ।
निर्देशक रामबाबु गुरुङ र अभिनेता दयाहाङ राईको हिट जोडीका कारण डिग्री माइलाको पखाईमा रहेको दर्शकले आजदेखि हलमा गएर हेर्न पाउनेछन् । बुधवारसम्म यो चलचित्रले देशभर १५५ शो पाएको छ । क्यूएफएक्सले मात्रै ५८ शो दिएको छ ।
चलचित्रका वितरक गोविन्द शाहीले आज र भोलि मात्रै झण्डै ५ करोड व्यापार गर्ने अनुमान गरेको बताए ।
यसअघि रामबाबु गुरुङ निर्देशित सिनेमा ‘कबड्डी(४’ ले रिलिजको पहिलो शनिवार ३ करोडभन्दा बढीको व्यापार गरेको दाबी थियो ।
नेपाल प्रेस
प्रकाशित: २०८० चैत ३० गते ८:००
प्रतिक्रिया
सम्बन्धित खवर
