विधान अधिवेशनलगत्तै विशेष महाधिवेशन गर्ने माओवादीको तयारी

काठमाडौं । नेकपा माओवादी केन्द्रले विधान अधिवेशनलगत्तै विशेष महाधिवेशन गर्ने भएको छ । केन्द्रीय कमिटीको बैठकले पार्टीलाई पहिलो चरणको अभियानले चलायमान बनाएको निष्कर्ष निकालेको छ ।

बैठकलाई सम्बोधन गर्दै अध्यक्ष पुष्पकमल दाहाल प्रचण्डले विधान अधिवेशनलगत्तै पार्टीले विशेष महाधिवेशन गरेर विचार सश्लेषण गर्ने बताए ।

उनले पार्टीले तराई-मधेश र उत्तर-दक्षिण केन्द्रित अभियान मात्रै नभएर काठमाडौं उपत्यका अभियानमा जोड दिनुपर्ने बताए । काठमाडौं उपत्यकासहित शहरी भेगमा माओवादीको जनाधार कमजोर छ ।

विधान अधिवेशनबाट पार्टीलाई नयाँ छलफल र बहसमार्फत् विधानअनुसार पार्टी चलाउने उनले बताए । विधान कार्यान्वयनमा ल्याएर आफूसहित सबै नेता कार्यकर्ताले मान्नुपर्ने उनको भनाइ थियो ।