मंगलबजारमा रास्वपाको ‘पर्व मेला’- तस्विरमा हेर्नुस् रविदेखि तोसिमासम्मको शुभकामना आदान प्रदान

काठमाडौं । राष्ट्रिय स्वतन्त्र पार्टीले दशैं तिहार तथा छठ पर्वको अवसरमा शुभकामना आदानप्रदान तथा चियापान कार्यक्रमको आयोजना गरेको छ ।

ललितपुरको मंगलबजारमा रास्वपाले शुभकामना आदानप्रदान र चियापान कार्यक्रमको आयोजना गरेको हो । वृहत ललितपुर जिल्ला भेलाको अवसर पारेर चियापान कार्यक्रमदेखि पार्टी प्रवेशसम्मको कार्यक्रम आयोजना गरिएको छ ।

कार्यक्रममा सभापति रवि लामिछाने सांसदहरु सन्तोष परियार, तोसिमा कार्की लगायतका नेताहरु पुगेका छन् । उनीहरुलाई ललितपुर रास्वपा भेला आयोजकले टीका र जमरा लगाइदिएका थिए । साथै एकआपसमा शुभकामना आदानप्रदान गरे । सांसद तोसिमा कार्कीले भ्रष्टचार गर्न नहुने कुरा आफनो पार्टीबाट सिक्न आग्रह गरिन् ।

उनले कार्यक्रमलाई सम्बोधन गर्दै यस्तो भनेकी हुन् । उनले भनिन्,‘स्टेजमा अथिति आसन ग्रहण नगर्ने हाम्रो मुल भनाइ सिको गर्ने ठुला पार्टीले हामीबाट भ्रष्टाचार गर्नुहुन्न भन्ने पनि सिको गर्नुस् न ।’