‘परस्त्री’को लिरिकल भिडियो गीत सार्वजनिक

काठमाडौं । यही असार १५ गते प्रदर्शन हुने सिनेमा ‘परस्त्री’को लिरिकल भिडियो गीत सार्वजनिक गरिएको छ । सिनेमाकी मुख्य पात्र आभ्याको जन्मदिनको सेटअपमा तयार पारिको सार्वजनिक गीतले सिनेमाको कथाको बारेमा प्रस्ट्याउने निर्माण टीमको भनाइ छ ।

‘जीवन भनेको’ बोलको गीतमा सिनेमाका मुख्य कलाकार कोसिस क्षेत्री, शिल्पा मास्के र गौरव बिष्टका चल अचल दृश्यहरु समावेश गरिएको छ । केके ब्रोदर्सको कम्पोज तथा शब्द रचना रहेको गीतको संगीत संयोजन उदयराज पौडेलले गरेका हुन् ।

डीएस डिजिटलको व्यानरमा निर्माण भएको सिनेमा नेपाली र हिन्दीमा रिलिज हुनेछ । विवाहेत्तर सम्बन्धले निम्त्याउने पारिवारिक र सामाजिक संकटको कथावस्तुमा निर्माण भएको सिनेमा निरज कँडेलले छायांकन गरेका हुन् ।

सुरज पाण्डेको डेव्यु निर्देशन रहेको सिनेमामा कोसिस, शिल्पा र गौरवका अलावा अलिसा क्षेत्री, अशान्त शर्मा, रामबाबु रेग्मी, सरस्वती अधिकारी, झकेन बिसी र अर्पित न्यौपानेको अभिनय रहेको छ ।

सिनेमा निर्माणमा शर्मिला पाण्डे र दीपेन्द्र के खनालले सहकार्य गरेका छन् । खनाल सिनेमाका लेखकसमेत हुन् । पोस्टर रिलिजसँगै चर्चामा रहेको सिनेमाको सार्वजनिक गीत र ट्रेलरले पनि दर्शकको मन जितेका छन् ।

थ्रिलर जनरामा निर्माण भएको सिनेमालाई जीजीए ग्रुप र डीसीएनले वितरण गर्दैछन् ।