संगीतकार दीपक शर्माले वृद्धाश्रममा गरे सहयोग

काठमाडौँ । पहिलो नम्बरमा, पर्ख पर्ख मायालु, पिरिम नलाउने, लगायका चर्चित गीतका संगीतकार दीपक शर्मा बेलाबेलामा सामाजिक काममा व्यस्त देखिन्छन् । शर्माले खुमलटारस्थित मन्जुश्री वृद्धाश्रममा सहयोग गर्दै खाना खुवाएका छन् ।

वृद्धाहरूलाई आफैँले खाना पकाएर उनीहरूसँगै रमाउँदै खुवाएर आशीर्वाद लिएको उनले बताए । आगामी दिनमा फाउन्डेसन नै खोलेर विपन्न व्यक्ति र समाजमा सहयोग गर्ने योजना पनि उनले सुनाएका छन् । दीपकले पछिल्ला दिनमा आफ्नै शब्द सिर्जनामा बाल र वृद्धाश्रमसँग सम्बन्धित गीत लेखेको जानकारी गराएका छन् ।

उनका थुप्रै आधुनिक लोकगीत, फिल्मी गीतहरू सुपरहिट छन् । पछिल्लो समयमा चलचित्र छक्कापन्जाको ‘दर्शन सलाम’ गीतले चर्चा पाइरहेको छ ।