शुक्रबार पोखरामा सत्ता गठबन्धनको प्रशिक्षण
नेपाल प्रेस
२०७९ कार्तिक ३ गते १८:३०
पोखरा । सत्ता गठबन्धनका शीर्ष नेताले शुक्रबार पोखरामा प्रशिक्षण दिने भएका छन् । प्रधानमन्त्री तथा नेपाली कांग्रेसका सभापति शेरबहादुर देउवा, माओवादी केन्द्रका अध्यक्ष पुष्पकमल दाहाल ‘प्रचण्ड’, नेकपा एकीकृत समाजवादीका माधव नेपाललगायतले प्रदेशस्तरीय प्रशिक्षण दिने भएका हुन् ।
प्रशिक्षण पोखराको सभागृहमा बिहान ११ बजेबाट सुरु हुने नेपाली कांग्रेस गण्डकीका नेता प्रकाश बरालले बताए । प्रधानमन्त्री देउवा र नेकपा एसका माधव नेपाल पोखरा आइसकेका छन् । देउवा बिहीबार पोखरा रंगशालामा नवौं राष्ट्रिय खेलकुदको समापन समारोहमा उपस्थित भएका थिए ।
प्रतिक्रिया
सम्बन्धित खवर