कांग्रेस बैठक- आवश्यकताको सिद्धान्त अनुसार चुनावी तालमेल हुने प्रवक्ता महतको भनाइ

काठमाडौं । सरकारको नेतृत्व गरिरहेको प्रमुख घटक नेपाली कांग्रेसले आवश्यकताको सिद्धान्त अनुसार पार्टीलाई बढीभन्दा बढी सिट जिताउन चुनावी गठबन्धन गर्नेबारेमा छलफल अघि बढाएको छ ।

केन्द्रीय कार्य समिति बैठकपछि पत्रकारसँग कुरा गर्दै प्रवक्ता डा।प्रकाश शरण महतले चुनाव जित्नका लागि कतिपय ठाउँमा गठबन्धन गरेर जानुपर्ने अधिकांश सदस्यहरूको मत रहेको बताएका ।

बैठकमा अहिलेसम्म गठबन्धनको पक्षमा धेरैको कुरा आएको भन्दै सबैले बोलिसकेपछि बैठकले एउटा टुङ्गो लगाउने बताए । महतले गठबन्धनमा जाने,नजाने भन्ने विषय पार्टीलाई के गर्दा फाइदा हुन्छ त्योभन्दा अरू मापदण्ड नहुने बताए ।

महतले कस्तो ठाउँमा गठबन्धन गर्ने र कस्ता ठाउँमा एक्लै चुनाव लड्ने भन्नेबारे सैद्धान्तिक खाका बनाएर अघि बढिने जानकारी दिए । गठबन्धन कहाँ कसरी गर्ने भन्नेबारे सोमवारसम्म पर्खिन महतले आग्रह गरे ।