गठबन्धनको ‘निर्णायक बैठक’ अघि प्रचण्ड-माधव छलफलमा

काठमाडौं । अमेरिकी सहयता परियोजना (एमसीसी) बारे सत्तारुढ गठबन्धनबीच निर्णायक छलफल हुनुअघि माओवादी केन्द्रका अध्यक्ष पुष्पकमल दाहाल प्रचण्ड र एकीकृत समाजवादीका अध्यक्ष माधव नेपाल छलफलमा जुटेका छन् । बैठकमा जसपा नेता एवं मन्त्री राजेन्द्र श्रेष्ठ पनि सहभागी छन् ।

एमसीसीकै कारण गठबन्धन टुट्नेसम्मको चर्चा भइरहेका बेला सिंहदरबारस्थित माओवादी केन्द्रको संसदीय दलको कार्यालयमा दुई नेताहरू छलफलमा जुटेका हुन् । माओवादी र एकीकृत समाजवादी संसोधनबिना एमसीसी अगाडि बढाउन नुहने पक्षमा छन् ।

नेपाली कांग्रेस यसलाई अगाडि बढाउनुपर्ने अडानमा छ । यसले गठबन्धनबीच नै फाटो ल्याउने आशंका गरिएका बेला प्रचण्डले विहीबार बिहान बालुवाटारमा गएर प्रधानमन्त्री शेरबहादुर देउवालाई भेटेका थिए।

गठबन्धनको बैठक दिउँसो ५ बजे बालुवाटारमा बस्दैछ ।