नेपालका लागि उपकप्तान सीताको अर्धशतक

काठमाडौं । टी-२० अन्तर्राष्ट्रिय शृंखलाअन्तर्गत कतारविरुद्धको अन्तिम खेलमा नेपालका लागि उपकप्तान सीता राना मगरले अर्धशतक बनाएकी छन् । बिहीबार जारी तेस्रो तथा अन्तिम नेपालका लागि ओपनिङमा आएकी सीताले ४७ बलमा ५० रन पूरा गरेकी हुन् ।

टस जितेर ब्याटिङ रोजेको नेपालका लागि काजल श्रेष्ठ ७ तथा ज्योति पाण्डे २४ रन बनाएर पेभेलियन फर्केका छन् । अहिले सीता ५४ बलमा ५ चौकासहित ६१ रन तथा डोली भट्ट १२ रन बनाएर खेलिरहेका छन् । अहिले नेपालले १५ ओभरमा दुई विकेट गुमाएर १ सय २२ रन बनाएर खेलिरहेको छ ।

कतारका लागि एन्जेलिन मेर र साची डडुवालले १/१ विकेट लिएका छन् । यसअघिका दुई खेलमा शानदार जित निकालेको नेपालले एक खेल अगावै शृंखला आफ्नो पक्षमा पारिसकेको छ ।

आईसीसी विश्वपको एसियाली छनोटको तयारीका लागि मिडिल इस्ट भ्रमणमा रहेको नेपाल भोलि उतैबाट युएई जानेछ ।