खोप र स्वास्थ्य सामग्री जुटाउन लागिपर्छु : स्वास्थ्यमन्त्री तामाङ
नेपाल प्रेस
२०७८ जेठ २२ गते १२:२६
काठमाडौं । नवनियुक्त स्वास्थ्य तथा जनसंख्यामन्त्री शेरबहादुर तामाङले खोप तथा स्वास्थ्य सामग्री द्रुत गतिमा जुटाउन आफू लागिपर्ने बताएका छन् ।
मन्त्रालयमा शुक्रबार बेलुका कार्यकार सम्हाल्दै मन्त्री तामाङले जनतालाई कोरोनाबाट बच्ने सुनिश्चिताका लागि निर्णायक पहल गर्ने निर्णय भएको बताए ।
आफ्नो कार्यकाल कोभिड-१९ महामारीसँग लड्ने कुरामा केन्द्रित हुने जानकारी दिँदै मन्त्री तामाङले विषम परिस्थितीमा मन्त्री बन्न पाउनु आफ्ना लागि अवसर र चुनौती भएको समेत बताए ।
मन्त्रालयमा आयोजित स्वागत कार्यक्रममा मन्त्री तामाङले सक्रियताका साथ लागिपर्न कर्मचारीलाई निर्देशन समेत दिए ।
नेपाल प्रेस
प्रकाशित: २०७८ जेठ २२ गते १२:२६
प्रतिक्रिया
सम्बन्धित खवर
