काठमाडौं । अन्तर्राष्ट्रिय महिला दिवसको अवसरमा एमाले निकट विद्यार्थीले माइतीघर सडकमा सांस्कृतिक कार्यक्रम आयोजना गरेको छ । त्यस अवसरमा नारीवादी एकल नाटक, गीत–संगीत तथा कवितावाचन प्रस्तुत गरिएको थियो । अनेरास्ववियूकी केन्द्रीय सदस्य जस्मिन ओझाले बलात्कृत युवतीको भूमिकामा एकल अभिनय देखाएकी थिइन् । उनको अभिनय र संवादले कार्यक्रमस्थलमा सन्नाटा छाएको थियो । कार्यक्रममा प्रमुख अतिथि महिला मन्त्री जुली महतो थिइन् भने अनेरास्ववियूकी पूर्व अध्यक्ष नविना लामा र केन्द्रीय सदस्य सुनिता बराल अतिथि थिए ।