नेपाल-भारत फुटबल जारी, मनिषले स्वर्णिम अवसर गुमाए (तस्बिरहरू)

काठमाडौं । नेपाल र भारतबीच दोस्रो मैत्रीपूर्ण म्याच दशरथ रंगशालामा जारी छ । शुरूआती २० मिनेटमा दुवै पक्ष गोलका लागि प्रयासरत छन् ।

अघिल्लो म्याच १-१ को बराबरी खेलेका दुवै टिम दोस्रो म्याचमा जित चाहन्छन् । खेलको पूर्वार्द्धमा नेपालले अग्रता लिने एउटा स्वर्णिम अवसर भने गुमाएको छ । बललाई सही तरिकाले नियन्त्रणमा लिन नसक्दा नेपालका स्ट्राइकर मनिष डाँगी खाली पोष्टमा गोल गर्न चुके । नेपालले सिर्जना गरेका अन्य अवसरमा पनि फिनिसिङ कमजोर देखिएको छ ।

भारतले पनि नेपालको पोष्टमा एकपछि अर्को प्रयास गरिरहेको छ । नेपाली डिफेन्सले अहिलेसम्म भारतलाई खतरनाक आक्रमणको मौका भने दिएको छैन । नेपालका गाेलकिपर किरणकुमार लिम्बुले केही सुन्दर बचाउ गरेका छन् ।