सुवेदी र शर्मालाई कसास यात्री स्मृति सम्मान

काठमाडौं । कपन साहित्य समाजले कपन दर्पनको कविता विशेषांक विमोचन कार्यक्रममा साहित्यकार तथा समालोचक प्रा.डा. अभि सुवेदी र साहित्यकार तथा प्राध्यापक प्रा.डा. गार्गी शर्मालाई सम्मान गरेको छ । सुवेदीलाई कसास यात्री स्कृति सम्मान २०७७ र शर्मालाई कसास यात्री स्मृति सम्मान २०७८ प्रदान गरिएको होे ।

कपन साहित्य समाजका परिकल्पनकार एवं संस्थापक संरक्षक साहित्यकार तथा अन्वेषक स्वर्गीय पूर्णप्रकाश नेपाल यात्रीको स्मृतिमा स्थापित यस सम्मान हरेक वर्ष प्रदान गरिँदै आएको छ । ०७५ मा प्रा. दयाराम श्रेष्ठ र ०७६ मा संस्कृतिविद् देजेश्वरबाबु ग्वांगलाई प्रदान गरिएको थियो ।

साथै पचास वर्ष पहिलाको कपनको तस्बिर राखिएको कविता विशेषांक २०७९ मा एक सय ११ राष्ट्रिय तथा नवोदित कविहरुको रचना समेटिएको छ । समाजका अध्यक्ष गणेशकुमार मिश्रको सभापतित्वमा आयोजित समारोहमा समाजका संरक्षक तथा बूढानिलकण्ठ नगरपालिका प्रमुख मिठाराम अधिकारी, प्रा। हेमनाथ पोडेल, प्रा जगत प्रेक्षित, भारद्वाज मित्र लगायत साहित्यकारको उपस्थिति रहेको थियो ।