ममाथि धोकेबाजको आरोप केपी ओलीले लगाउन मिल्छ तर कांग्रेसले मिल्दैन : प्रधानमन्त्री (भिडिओ)

काठमाडौं । प्रधानमन्त्री पुष्पकमल दाहाल प्रचण्डले आफूलाई धोकेबाज र बेइमान भन्ने हक कांग्रेस पार्टीका नेताहरूलाई नरहेको दाबी गरेका छन् ।

विश्वासको मत माग्न रोष्टममा उभिएका प्रधानमन्त्रीले कांग्रेसले आफूमाथि धोका र विश्वासघात गरेको आरोप लगाए ।

प्रधानमन्त्री प्रचण्डले भने- धोकाको आरोप त बरु मलाई प्रधानमन्त्री बनाउन पहल गर्ने दलहरू र त्यसको मुख्य नेतृत्व माननीय केपी शर्मा अ‍ोलीले लगाउन मिल्छ । प्रधानमन्त्री उहाँहरूले बनाउने अनि खुरुक्क कांग्रेसतिर जाने ? भन्न पाउनुहुन्छ । कांग्रेसले त मलाई धोकाको आरोप लगाउन पाउँदैन,शेरबहादुर देउवालाई २ पटक प्रधानमन्त्री मैले बनाएको हो । तर कांग्रेसले मलाई बनाएको एक पटक हो ।

प्रधानमन्त्री प्रचण्डले कांग्रेसभित्रको गुटको लडाइँमा गठबन्धन र सरकार चलाउँदा आफू आजित भएको भन्दै आफ्ना कारण अहिले कांग्रेस एकजुट भएकोमा खुसी लागेको बताए ।