सरकारको नेतृत्वबारे माधवकुमार नेपालले भने- ‘परदे मे रहने दो, पर्दा नउठाओ’ (भिडिओ)

जनकपुरधाम । नेकपा एकीकृत समाजवादीका अध्यक्ष माधवकुमार नेपालले सरकार गठबन्धनकै रहने तर नेतृत्व फेरिने संकेत गरेका छन् ।

जनकपुरधाममा आज पत्रकारहरूसँग गठबन्धनको सरकार ५ वर्ष नै रहने बताए । कांग्रेस नेता विमलेन्द्र निधिले अब सरकारको नेतृत्व माधवकुमार नेपालले गर्ने बताएको सन्दर्भ उनले भने, ‘परदे मे रहने दो, पर्दा न उठाओ ।’

अध्यक्ष नेपालले दरबार हत्याकाण्डको पुनः छानबिन गर्ने कुरामा प्रधानमन्त्री पुष्पकमल दाहाल ‘प्रचण्ड’ले बिचार नपुर्‍याएको बताए ।

आफूसँग सल्लाह नगरी प्रधानमन्त्रीले बोलेकोमा उनले असन्तुष्ट पोखे । उनले भने, ‘गिरिजा बाबु त मसँग सल्लाह नगरी त्यो विषयमा बोल्नुहुन्नथ्यो । उहाँ (प्रधानमन्त्री) कसरी अचानक बोल्नु भयो खै ।’

उनले राजतन्त्र मसान घाटको मुर्दा भइसकेको भन्दै अब राजतन्त्र फर्काउन नसक्ने तर्क गरे । राजतन्त्र फर्काउन पनि नदिने उनको भनाई थियो ।

अध्यक्ष नेपाल जनकपुरधाम साहित्य, कला तथा अन्तर्राष्ट्रिय नाट्य महोत्सव २०८० को समुद्घाटन गर्न जनकपुरधाम आएका छन् ।