झलनाथको टिप्पणी- हामी सत्ताधारी हुँदा दुर्गा प्रसाईं जननेता भएर निस्किए (भिडिओ)

काठमाडौं । नेकपा एकीकृत समाजवादीका सम्मानित नेता झलनाथ खनालले आफूहरु सत्ताधारी पार्टी हुँदा दुर्गा प्रसाईं जननेता भएर निस्किएको टिप्पणी गरेका छन् । केन्द्रीय परिषद्को बैठकलाई सम्बोधन गर्दै जनतामा आक्रोश बढ्न थालेको बताए ।

उनले भने, ‘जनताको विरोेध मात्रै होइन अहिले आक्रोश बढ्न थालेको छ। ती दुर्गा प्रसाईं भन्नेले नेतृत्व गर्दा १० १२ हजार मान्छे निस्किए। लाजमर्दो उनै पो जननेता भइदिए । त्यो ठाउँमा कम्युनिष्ट पार्टी हुनुपर्ने हो कि होइन? मिटरब्याजीहरु ११ दिन हिँडेर आएर राजधानीमा हड्ताल गरे। खोइ कम्युनिष्ट पार्टी त्यहाँ ? हामी त्यो वर्गको पार्टी हौं तर हामी सत्ताधारी पार्टी भयौं सत्ताधारी पार्टी त्यसरी जान नमिल्ने ।’

उनले कम्युनिष्ट आन्दोलनमा भएको कमजोरीलाई सच्याएर पुनर्गठित पार्टीको रुपमा अगाडि बढाउनुपर्ने बताए ।