देउवाविरुद्ध लड्न शेखरले गगनलाई वाकओभर दिने संकेत, दुवै नेता निर्णायक छलफलमा
नेपाल प्रेस
२०७९ पुष ५ गते १२:००
काठमाडौं । नेपाली कांग्रेसको संस्थापन इतर समूहबाट भावि प्रधानमन्त्रीमा गगन थापा साझा उम्मेदवार बन्ने सम्भावना बढेको छ ।
उक्त समूहका नेता शेखर कोइरालाले संसदीय दलको नेतामा गगनलाई समर्थन गर्ने संकेत गरेका छन् ।
आज बसेको गुट बैठकमा कोइरालाले त्यस्तो संकेत गरेका हुन् । यद्यपि, अन्तिम निस्कर्षमा पुग्न बाँकी छ ।
संसदीय दल निर्वाचनअघि दुवै नेता निर्णायक छलफलमा बस्ने भएका छन् । आज बिहान पनि शेखर र गगन छुट्टै वैठक बसेका थिए ।
बैठकपछि सञ्चारकर्मीहरुसँग कुरा गर्दै सो समूहका नेता संजय गौतमले टिमलाई कोइरालाको नेतृत्वमा इन्ट्याक्ट राख्ने र मिलेर जाने विषयमा सहमति बनेको बताए ।
उनले दुवै नेता एक्ला एक्लै वैठकमा बसेपछि सुखद सन्देश आउने पनि उल्लेख गरे । ‘उहाँहरुमध्ये जो भएपनि हामीलाई स्वीकार्य छ, गाैतमले भने ।
नेपाल प्रेस
प्रकाशित: २०७९ पुष ५ गते १२:००
प्रतिक्रिया
सम्बन्धित खवर
