विराेध खतिवडा भन्ने ‘बेइमान मान्छे’ मै हाे भन्दै भाेट माग्दै विराेध (भिडिओ)

हेटौँडा । मकवानपुरको क्षेत्र नम्बर २ मा सत्तारुढ गठबन्धनबाट प्रतिनिभिसभाको उम्मेदवार बनेका विरोध खतिवडाको एउटा भिडियो भाइरल भएको छ । मंसिर ४ गते हुने निर्वाचनमा मत माग्न पुगेका खतिवडाले परिचयको क्रममा ‘विरोध खतिवडा भन्ने बेईमान मै हुँ ’ भन्दै परिचय दिएको देखिन्छ ।

मतदाताहरुको समूहमा पुगेर उम्मेदवार खतिवडाले आफुलाई चिन्नु भो भनेर प्रश्न गरेका छन् । मतदाताहरुले चिन्न नसकेको उल्लेख गरेको भिडियोको शब्दमा सुन्न सकिन्छ । ‘विरोध खतिवडा भन्ने बेमान मान्छे मै हो ।’ खतिवडा भन्छन् ।

त्यसपछि सहभागी मध्ये एक वृद्धाले नामै विरोध रैछ अनि कसरी भन्दै हाँसेपछि खतिवडाले विरोध मात्रै होर पछाडि खतिवडा खतरा हो भन्दै हाँस्न सुरु गरेको भिडियोमा देख्न सकिन्छ ।

मतदाताले उनलाई चुनाव जितेपछि कुर्सीतिर हेर्ने आफूहरुतिर नहेर्ने भन्दै प्रश्न गरेपछि खतिवडाले तपाईहरुलेनै कुर्सीमा बस्नुस् भनेर जिताएको त हो नि भन्दै जवाफ पनि दिए । उनले मतदातालाई रिझाउन अस्पताल बनाउने, वृद्धाभत्तामा वृद्धि गर्ने लगायतको आश्वसन पनि बाँडेका छन् ।