गण्डकीका मन्त्री दीपक मनाङे अन्ततः एमालेतिरै, कांग्रेसले पनि दियो वाकओभर
नेपाल प्रेस
२०७९ असोज २३ गते १९:५९
काठमाडौं । सत्ता गठबन्धन र नेकपा एमाले दुवैतर्फ तानातानमा परेका गण्डकी प्रदेशका युवा तथा खेलकुद मन्त्री दीपक मनाङे अन्ततः एमालेतिरै लागेका छन् ।
उनको लागि कांग्रेसले पनि क्षेत्र खाली गरिदिएको थियो । तर आफूलाई एमाले नै मन परेको र गठबन्धनका मान्छेहरू ठिक नलागेको भन्दै उनी एमालेको समर्थनमा मनाङको प्रदेश सभा २ बाट स्वतन्त्र उम्मेदवार बनेका छन् ।
एमालेबाट प्रतिनिधि सभामा पोल्देन छोपाङ गुरुङ उम्मेदवार छन् भने प्रदेश १ मा जिल्ला सचिव राजन गुरुङ उम्मेदवार बनेका छन् । मनाङेले अघिल्लो पटक पनि एमालेकै सहयोगमा जितेका थिए ।
थोरै मतदाता भएको मनाङमा सय पचास मत नै जित्न निर्णायक हुने भएकाले दीपक मनाङे निर्णायक मानिन्छन् ।
नेपाल प्रेस
प्रकाशित: २०७९ असोज २३ गते १९:५९
प्रतिक्रिया
सम्बन्धित खवर
