माओवादीको सर्कुलर- गठबन्धनबाहिर तालमेल नगर्ने, एक्लै लड्नु परे केन्द्रको स्वीकृति अनिवार्य

काठमाडौं । सत्तारुढ नेकपा (माओवादी केन्द्र) ले स्थानीय तह निर्वाचनमा सत्ता गठबन्धनबाहेकका दलसँग चुनावी तालमेल नगर्न मातहत कमिटीहरूलाई सर्कुलर जारी गरेको छ ।

अध्यक्ष प्रचण्डले सोमबार पठाएको सर्कुलरमा सत्ता गठबन्धनमा तालमेल हुन नसकेको पालिकामा मित्रवत प्रतिस्पर्धा हुने गठबन्धनबाहिर तालमेल नगर्ने भनिएको एक जिल्ला अध्यक्षले बताए ।

तालमेल नगरी एक्लै चुनाव लड्नु परेमा केन्द्रको स्वीकृति अनिवार्य चाहिनेछ । उदाहरणको लागि माओवादीको गढ मानिने रुकुमको मुसिकोट नगरपालिकामा माओवादी एक्लै चुनाव लड्नु परे पनि केन्द्रको स्वीकृत चाहिनेछ ।

माओवादीले केन्द्रको स्वीकृति नलिई एक्लै चुनाव लड्न नपाउने आदेश दिएको छ । त्यस्तै उम्मेदवार सिफारिसमा पनि एउटा जिल्लाबाट कम्तीमा एउटा पालिका प्रमुख महिला अघि सार्न र एउटा पालिकाबाट कम्तीमा एउटा वडाको अध्यक्ष महिला हनुपर्ने भनिएको छ ।