बडुले भने- ढुक्क हुनुस्, साझा उम्मेदवार तय गर्छौं
नेपाल प्रेस
२०७८ मंसिर २३ गते १०:१५
फाइल तस्बिर ।
काठमाडौं । नेपाली कांग्रेसका नेता एवं कानूनमन्त्री दिलेन्द्रप्रसाद बडुले संस्थापनइतर समूहबाट सभापतिमा साझा उम्मेदवार बन्नेमा ढुक्क हुन आग्रह गरेका छन् ।
बत्तीसपुतलीस्थित अनुपम फुडल्याण्डमा जारी सो समूहको बैठकबाट बाहिरिने क्रममा बडुले सहमतिका लागि निरन्तर संवाद भइरहेको बताए ।
‘हामी निरन्तर छलफलमा छौं । सहमतिमै साझा उम्मेदवार दिनुपर्छ भन्नेमा सबैको साझा धारणा छ । ढुक्क हुनहोस्, हामी साझा उम्मेदवार दिन्छौ,’ बडुले भने ।
संस्थापनइतर समूहबाट वरिष्ठ नेता रामचन्द्र पौडेल, महामन्त्री डा. शशांक कोइराला, पूर्व महामन्त्री प्रकाशमान सिंह र नेता डा. शेखर कोइराला सभापतिको प्रत्याशी रहेका छन् ।
नेपाल प्रेस
प्रकाशित: २०७८ मंसिर २३ गते १०:१५
प्रतिक्रिया
सम्बन्धित खवर
