एमाले-माओवादी सहकार्य एकताको तहसम्म जान्छ : ठाकुर गैह्रे (भिडिओ)

काठमाडौं । नेकपा एमालेका सांसद ठाकुर गैह्रेले परिस्थिति बदलिएसँगै नेपालका कम्युनिष्ट पार्टीहरुबीचको सहकार्यलाई एकताको तहसम्म जाने बताएका छन् ।

प्रतिनिधि सभाको बैठकमा बोल्दै लोकतन्त्रवादी शक्तिहरूबीच सहकार्यको अगाडि बढाउनुपर्ने बताए ।

उनले भने- परिस्थिति बदलिएको छ। एमालेको सोच र योजनामा यो सहकार्य देशको समस्या समाधान गर्नको लागि थप शसक्त हुनेछ । राष्ट्रिय स्वाधीनता, सार्वभौमता र राष्ट्रिय अखण्डतालाई सदृढ गर्ने, समाजवाद उन्मुख कार्यक्रमहरूलाई लागू गर्ने र राजनीतिक स्थायित्वका साथ हामी अघि बढ्दैछौं । जनताको निराशालाई अन्त्य गर्दै नेपालका कम्युनिष्ट पार्टीहरुबीचको सहकार्यलाई मजबुद बनाउँदै एकताको तहसम्म विकसित हुने र सबै तहसम्म सशक्त, लोकतन्त्रवादी शक्तिहरूबिच सहकार्यको विकास हुँदै छ ।

उनले सुशासन विकास, समृद्धि र सामाजिक न्यायमा समान सोच राख्ने देशका महत्त्वपूर्ण जिम्मेवार राजनीतिक दलहरुबीच सहकार्य सुरु भएको उनको भनाइ छ ।