एमाले मुख्यालयमा शीर्ष नेताको जमघट (तस्बिरहरु)

काठमाडौं । बडादसैँ, तिहार, नेपाल संवत् र छठपर्वका अवसरमा नेकपा एमालेले चियापान तथा शुभकामना आदानप्रदान कार्यक्रम गरेको छ । पार्टी मुख्यालय च्यासलमा भएको कार्यक्रममा नेता, कार्यकर्तादेखि उच्च पदस्थका व्यक्तिहरु सहभागी बने ।

कार्यक्रममा राजनीतिक दलका शीर्ष नेताहरुको भिड लागेको थियो । प्रधानमन्त्री पुष्पकमल दाहाल प्रचण्ड, नेपाली कांग्रेसका सभापति शेरबहादुुर देउवा, नेकपा एकीकृत समाजवादीका समानित नेता झलनाथ खनाल, रास्वपा सभापति रवि लामिछानेलगायत नेताहरु सहभागी भए ।

कार्यक्रम सहभागी हुने पुगेका राजनीतिक दलका प्रमुख, मन्त्री, सरकारी तथा विविध क्षेत्रका व्यक्तित्व साथै कूटनीतिक क्षेत्रका व्यक्तिहरुलाई पार्टी अध्यक्ष केपी शर्मा ओलीलगायत शीर्ष नेताहरुले स्वागत गरे ।