समाजवादी मोर्चा घोषणाको समय सर्यो
नेपाल प्रेस
२०८० असार ४ गते ११:२५
काठमाडौं । नेकपा माओवादी केन्द्र, नेकपा एकीकृत समाजवादी सहितका चार दल मिलेर समाजवादी मोर्चा घोषणाको समय परिवर्तन भएको छ।
दिउँसो ३ बजेको लागि तय भएको घोषणा कार्यक्रम ४ बजेका लागि सारिएको प्रधानमन्त्रीको सचिवालयले जनाएको छ।
कार्यक्रम भृकुटीमण्डपस्थित राष्ट्रिय सभागृहमा हुनेछ। माओवादी, जनता समाजवादी पार्टी, नेकपा एस र नेत्रविक्रम चन्द विप्लव नेतृत्वको नेकपाबीच समाजवादी मोर्चा घोषणा हुन लागेको हो।
प्रधानमन्त्री प्रचण्ड कोशी प्रदेशका ताप्लेजुङ, पाँचथर र संखुवासभा जिल्लाका बाढीपहिरो प्रभावित क्षेत्रमा जाने कार्यक्रम तय भएपछि मोर्चाको घोषणाको समय सारिएको जनाइएको छ।
नेपाल प्रेस
प्रकाशित: २०८० असार ४ गते ११:२५
प्रतिक्रिया
सम्बन्धित खवर
